468 Әрбір салық кезеңі аяқталғаннан кейін салық төлеуші Салық кодексінде белгіленген тәртіппен және мерзімдерде мемлекеттік кірістер органына (МКO) салық есептілігінің нысандарын (ФНО) ұсыну жөніндегі салықтық міндеттемесін орындайды:
-
КТС бойынша ФНО (100.00 нысан) – есепті күнтізбелік жылдан кейінгі жылдың 31 наурызынан кешіктірмей;
-
ФНО тапсырылғаннан кейінгі кезең үшін төленуге жататын КТС бойынша ФНО (101.02 нысан) – есепті күнтізбелік жылдың 20 сәуірінен кешіктірмей;
-
Резиденттің табысынан төлем көзінен ұсталатын КТС бойынша ФНО (101.03 нысан) – есепті күнтізбелік тоқсаннан кейінгі екінші айдың 15-күнінен кешіктірмей;
-
Бейрезиденттің табысынан төлем көзінен ұсталатын КТС бойынша ФНО (101.04 нысан) – есепті күнтізбелік жылдан кейінгі екінші айдың 15-күнінен кешіктірмей;
-
КТС бойынша ФНО (110.00 нысан) – есепті күнтізбелік жылдан кейінгі жылдың 31 наурызынан кешіктірмей;
-
КТС және артық пайдаға салынатын салық бойынша ФНО (150.00 нысан) – есепті күнтізбелік жылдан кейінгі жылдың 31 наурызынан кешіктірмей;
-
ЖТС және әлеуметтік салық бойынша ФНО (200.00 нысан) – есепті күнтізбелік тоқсаннан кейінгі екінші айдың 15-күнінен кешіктірмей;
-
Кәсіпкерлік қызметтен алынатын табыс бойынша ЖТС ФНО (220.00 нысан) – есепті күнтізбелік жылдан кейінгі жылдың 31 наурызынан кешіктірмей;
-
Активтер мен міндеттемелер туралы ФНО (250.00 нысан) – 2026 жылғы 15 қыркүйекке дейін;
-
Табыстар мен мүлік туралы ФНО (270.00 нысан) – 2026 жылғы 15 қыркүйектен кешіктірмей;
-
ҚҚС бойынша ФНО (300.00 нысан) – есепті салық кезеңінен кейінгі айдың 15-күнінен ерте емес және есепті салық кезеңінен кейінгі екінші айдың 15-күнінен кешіктірмей;
-
Тауарларды әкелу және жанама салықтарды төлеу туралы өтініш (328.00 нысан) – есепті күнтізбелік тоқсаннан кейінгі айдың 20-күнінен кешіктірмей;
-
Акциз бойынша ФНО (400.00 нысан) – есепті күнтізбелік айдан кейінгі екінші айдың 15-күнінен кешіктірмей;
-
Роялти, өндіру бонусы, Қазақстан Республикасының өнімді бөлу үлесі, өнімді бөлу туралы келісім (контракт) бойынша қызметті жүзеге асыратын жер қойнауын пайдаланушының қосымша төлемі бойынша ФНО (500.00 нысан) – есепті күнтізбелік тоқсаннан кейінгі екінші айдың 15-күнінен кешіктірмей;
-
Қол қою бонусы бойынша ФНО (510.00 нысан) – қол қою бонусын төлеу мерзімі туындаған есепті күнтізбелік тоқсаннан кейінгі екінші айдың 15-күнінен кешіктірмей;
-
Натуралды нысанда салық міндеттемесінің орындалуы туралы ФНО (531.00 нысан) – есепті күнтізбелік тоқсаннан кейінгі екінші айдың 15-күнінен кешіктірмей, ал жылдық бойынша – есепті жылдан кейінгі жылдың 31 наурызынан кешіктірмей;
-
Пайдалы қазбаларды өндіруге салынатын салық, экспортқа ренталық салық, тарихи шығындарды өтеу төлемі және кең таралған пайдалы қазбаларды қоспағанда қатты пайдалы қазбалар бойынша роялти бойынша ФНО (590.00 нысан) – есепті күнтізбелік тоқсаннан кейінгі екінші айдың 15-күнінен кешіктірмей;
-
Жер қойнауын пайдалануға баламалы салық бойынша ФНО (600.00 нысан) – есепті күнтізбелік жылдан кейінгі жылдың 31 наурызынан кешіктірмей;
-
Жұмыспен қамтуға жәрдемдесу қорына, міндетті әлеуметтік медициналық сақтандыруға, мемлекеттік әлеуметтік сақтандыруға, зейнетақы төлемдері жөніндегі мемлекеттік орталыққа және автомобиль жолдарын пайдаланушылардың аударымдары бойынша ФНО (641.00 нысан) – есепті күнтізбелік тоқсаннан кейінгі екінші айдың 15-күнінен кешіктірмей;
-
Көлік құралдарына салынатын салық, жер салығы, мүлік салығы бойынша ФНО (700.00 нысан) – есепті күнтізбелік жылдан кейінгі жылдың 31 наурызынан кешіктірмей;
-
Мүлік салығы бойынша ФНО (701.01 нысан) – 2026 жылғы 15 ақпаннан кешіктірмей;
-
Ойын бизнесіне салынатын салық бойынша ФНО (710.00 нысан) – есепті күнтізбелік тоқсаннан кейінгі екінші айдың 15-күнінен кешіктірмей;
-
Жер учаскелерін пайдаланғаны үшін төлемақы бойынша ФНО (851.00 нысан) – есепті күнтізбелік жылдың 20 ақпанынан кешіктірмей;
-
Жерүсті су объектілерінің су ресурстарын пайдаланғаны үшін төлемақы бойынша ФНО (860.00 нысан) – есепті күнтізбелік тоқсаннан кейінгі екінші айдың 15-күнінен кешіктірмей;
-
Қоршаған ортаға теріс әсер еткені үшін төлемақы бойынша ФНО (870.00 нысан) – есепті күнтізбелік тоқсаннан кейінгі екінші айдың 15-күнінен кешіктірмей;
-
Цифрлық майнинг үшін төлемақы бойынша ФНО (880.00 нысан) – тоқсан сайын, есепті күнтізбелік тоқсаннан кейінгі екінші айдың 15-күнінен кешіктірмей;
-
жеңілдетілген декларация (910.00 нысаны) – есепті салық кезеңінен кейінгі екінші айдың 15-күнінен кешіктірмей.;
-
Шаруа немесе фермер қожалықтарына арналған арнайы салық режимін қолданатын салық төлеушілер үшін ФНО (920.00 нысан) – есепті күнтізбелік жылдан кейінгі жылдың 31 наурызынан кешіктірмей.
Салық есептілігі қағаз түрінде немесе электрондық құжат нысанында ұсынылады және Қазақстан Республикасының заңнамасында көзделген жағдайларда мөрмен расталады.
Қағаз түріндегі ФНО тиісті МКO-ға жеке өзі (оның ішінде «Азаматтарға арналған үкімет» мемлекеттік корпорациясы арқылы) немесе хабарламасы бар тапсырыс хатпен пошта немесе өзге де байланыс ұйымы арқылы ұсынылады.
ҚҚС бойынша ФНО-ны «Азаматтарға арналған үкімет» мемлекеттік корпорациясы арқылы немесе пошта ұйымдары арқылы тапсырыс хатпен ұсынуға жол берілмейді.
Салық есептілігін электрондық түрде келесі арқылы тапсыруға болады:
-
«Салық төлеушінің кабинеті» веб-қосымшасы – knp.kgd.gov.kz (ИС ИСНА);
-
e-Salyq Azamat, e-Salyq Business салықтық мобильді қосымшалары;
-
Мемлекеттік кірістер органдарының ақпараттық жүйесіне қосылған сыртқы ақпараттық жүйелер (оның ішінде банк ұйымдарының жүйелері).
