Дивидендтерден алынатын ЖТС: 2026 жылдан бастап салық мөлшерлемелері өседі

Қолданыстағы ҚР Салық кодексіне сәйкес бүгінгі күні дивидендтер 30 000 АЕК-ке дейін (2025 жылы шамамен 100 млн теңгеге дейін) 0% мөлшерлеме бойынша, ал осы сомадан асқан жағдайда 10% мөлшерлеме бойынша салық салынады.
Ал жаңа Салық кодексі аясында дивидендтерге прогрессивті салық салу шкаласы енгізіледі.

Осылайша, 2026 жылдан бастап дивидендтер бойынша ЖТС келесі мөлшерлемелермен есептеледі:

дивиденд түріндегі табыстар 230 000 АЕК-ке дейін – 5%;

осы шектен асқан жағдайда – 230 000 АЕК мөлшеріндегі салық салынатын табыстан есептелген салық сомасы + асып кеткен сомадан 15%.