195 Жаңа ҚР Салық кодексінің 401-бабының 1-тармағына сәйкес 2026 жылдан бастап жеке тұлғалар келесі жеке салықтық шегерімдерді қолдануға құқылы:
- әлеуметтік төлемдер бойынша салықтық шегерім;
- базалық салықтық шегерім;
- әлеуметтік салықтық шегерімдер.
Қызметкерлерге ЖТС бойынша әлеуметтік салықтық шегерімдерді беру ҚР Салық кодексінің 404-бабында көзделген.
404-баптың 1-тармағына сәйкес әлеуметтік салықтық шегерімдер құрамына күнтізбелік жыл үшін 5 000 АЕК мөлшеріндегі шегерім де кіреді, егер шегерімді қолдану күні тұлға бірінші немесе екінші топтағы мүгедек адам болып табылса.
404-баптың 2-тармағына сәйкес әлеуметтік салықтық шегерімдер осы салықтық шегерімдерді қолдануға негіз туындаған, бар немесе болған күнтізбелік жылы қолданылады.
Осындай ірі салықтық шегерімнің (2026 жылы 5 000 × 4 325 = 21 625 000 теңге) берілуі бірінші және екінші топтағы мүгедек адамдарды қолдауға бағытталған.
Шегерімді алу үшін (егер тұлға жұмыс істесе) жұмыс берушіге келесі құжаттарды ұсыну қажет:
еркін нысандағы өтініш;
шегерімге құқықты растайтын құжат (мүгедектік туралы анықтама).
Бұл ретте анықтама шегерімді қолдану күніне жарамды болуы тиіс (күнтізбелік жылдың басына емес).
Аталған шегерім мүгедектігі бар тұлғаның өз бетінше салық салынатын басқа да табыстарына қатысты ЖТС есептеу кезінде де қолданылады. ҚР Салық кодексінің 401-бабының 2-тармағына сәйкес жеке тұлға салықтық шегерімдерді:
- салық агенті арқылы;
- салық агенті қолданбаған жағдайда – өз бетінше қолданады.
