363 2003 жылғы 19 желтоқсандағы №508-II «Жарнама туралы» Заңға сәйкес сыртқы (көрнекі) жарнаманы орналастырғаны үшін бюджетке төлем жүргізіледі. Алайда егер дүкенде тек атауы көрсетілген маңдайша мен жұмыс уақыты жазылған тақтайша болса, мұндай жағдайда төлем жасау қажет емес.
Салық кодексінің 604-бабының 1-тармағына сәйкес сыртқы жарнама орналастырушылар – төлем төлеушілер болып табылады. 605-бапта мөлшерлемелер белгіленген, ал 606-бапта төлем сомасы нақты орналастыру мерзіміне қарай есептелетіні көрсетілген. Жарнама орналастырушы төлем мерзімі туралы хабарламаны жергілікті атқарушы органға өзі жіберуі тиіс немесе хабарландыру берілмеген жағдайда мерзімді акимат белгілейді.
Алайда «Жарнама туралы» Заңның 11-бабының 1-1-тармағына сәйкес дүкеннің маңдайшасы мен жұмыс тәртібі көрсетілген тақтайша сыртқы жарнамаға жатпайды. Сондықтан акиматқа хабарлама жіберудің де, бюджетке төлем жасаудың да қажеті жоқ.
Сондай-ақ, сыртқы жарнама орналастыруға қатысты есептілікті Салық кодексі көздемейді.
