308 Халықаралық тасымалдау кезінде жиі бір жол парағына бірнеше тасымалдау түрі жазылады. Мысалы, жүк Алматы қаласынан шығып, Ресейге барады, содан кейін Ресейден Беларуське, Беларусьтен қайтадан Ресейге келеді. ЭСФ-ны қалай жазу керек және қандай ҚҚС мөлшерлемесін қолдану қажет?
ҚР Салық кодексіне жүгінейік.
Заң бойынша әрбір тасымалдау қызметіне тасымалдаушы ЭСФ жазып беруге міндетті. Бұл ретте, халықаралық жүк тасымалдау қызметтері (ҚР шекарасын кесіп өтумен) ҚҚС бойынша 0% мөлшерлемемен салынады.
Халықаралық тасымалдау деп, тауарларды, оның ішінде пошталық жөнелтімдерді, ҚР аумағынан экспорттау және ҚР аумағына импорттау кезінде жүзеге асырылатын тасымалдау танылады.
Сонымен қатар, тасымалдаудың халықаралық деп танылуы үшін ол бірыңғай халықаралық тасымалдау құжаттарымен рәсімделуі тиіс.
Халықаралық автомобиль қатынасындағы жүк тасымалдау кезінде халықаралық тасымалдауды растайтын құжат — тауар-көлік жүкқұжаты (ҚР СК 387-бабы).
Салық салынатын айналым — бұл ҚҚС төлеуші жүзеге асыратын, іске асыру орны Қазақстан Республикасы болып танылатын тауарларды, жұмыстарды, қызметтерді өткізу бойынша айналым (ҚР СК 369 және 370-баптары).
Тасымалдау қызметін көрсету орны мұндай қызметтерді жеткізушіні салық төлеуші ретінде тіркеу орны бойынша айқындалады (ҚР СК 441-бабы 2-тармағы 5) тармақшасы).
Осылайша, Қазақстаннан Ресейге тасымалдау 0% ҚҚС мөлшерлемесімен салық салынады (егер тасымалдау CRM (халықаралық ТТН) арқылы рәсімделген болса). Ал Ресейден Беларуське, Беларусьтен Ресейге қайта тасымалдау ҚҚС бойынша 12% мөлшерлемемен салынады, өйткені іске асыру орны ретінде ҚР аумағы танылады.
Егер сізге бухгалтер немесе салық саласы бойынша сарапшының кеңесі, не ф.300.00 немесе кез келген басқа салық есептілігін жасау және тапсыруда көмек қажет болса, сізге «Mybuh.kz» мамандары көмектеседі. Өтінім қалдырыңыз, біз сізбен жұмыс уақытында хабарласамыз.
