332 2025 жылы жеңілдетілген режимдегі ЖК коммерциялық жылжымайтын мүлікті жалға беріп, сол режимді қолдануды жалғастыра ала ма? Әлде ОЖР-ға өту қажет пе? Түсініп көрейік...
Естеріңізге сала кетейік, коммерциялық жылжымайтын мүлік — бұл тұрақты пайда (табыc) алу мақсатында коммерциялық қызмет үшін пайдаланылатын кез келген жылжымайтын мүлік объектілері.
Коммерциялық жылжымайтын мүлікке мыналар жатады:
- кеңсе үй-жайлары;
- сауда жылжымайтын мүлігі (дүкендер, дүңгіршектер, базарлар);
- қойма және өндірістік үй-жайлар;
- қоғамдық тамақтану және қызмет көрсету саласының нысандары;
- қонақүйлер, отельдер, хостелдер және т.б.;
- ЖҚС, автосервистер, көлік жуу орындары және гараждар;
- апартаменттер, тәуліктік пәтерлер.
ҚР Салық кодексіне жүгінейік
Арнайы режимдерді, соның ішінде жеңілдетілген режимді қолдану ҚР СК 683-бабымен реттеледі. ҚР СК 683-бабы 2-тармағының 3) тармақшасына сәйкес, мынадай қызмет түрлерімен айналысатын салық төлеушілер (ЖК, ЖШС) жеңілдетілген салық режимін қолдануға құқығы жоқ:
- сауда нарығын жалға беру және пайдалану;
- сауда нарығына жататын сауда объектілерін, 1, 2 және 3 санаттағы стационарлық сауда объектілерін, сондай-ақ олардың аумағында орналасқан сауда орындарын, сауда объектілерін және қоғамдық тамақтану объектілерін субарендаға (тек субарендаға!) беру;
- бір қонақүйдің немесе бөлек тұрған бейрезиденттік ғимараттың аумағында екі және одан да көп салық төлеушілердің қонақүй қызметтерін көрсету қызметі.
Анықтама үшін:
- 1 санат – сауда алаңы 10 000 шаршы метрден астам сауда объектісі;
- 2 санат – сауда алаңы 2 000-нан 10 000 шаршы метрге дейінгі сауда объектісі;
- 3 санат – сауда алаңы 500-ден 2 000 шаршы метрге дейінгі сауда объектісі.
Осылайша, 2025 жылы сауда нарығын жалға беретін немесе сауда объектілерін субарендаға беретін салық төлеушілер жеңілдетілген режимді қолдана алмайды. Олар ОЖР-ға өтіп, 10% мөлшерлемемен ЖТС есептеп, 220.00 және 200.00 нысандарын тапсыруы тиіс.
Басқа коммерциялық жылжымайтын мүлікті (кеңсе және т.б.) меншігінде ұстап, жалға беретін салық төлеуші 2025 жылы жеңілдетілген салық режимін қолдана алады.
Егер сізге салық салу режимін таңдау, салық режимін ауыстыру немесе есеп пен салық салу саласындағы кез келген басқа мәселе бойынша кеңес қажет болса, сізге «Mybuh.kz» мамандары көмектеседі. Өтінім қалдырыңыз, біз сізбен жұмыс уақытында хабарласамыз.
