723
Егер ЖШС жеке тұлғадан сатып алу-сату шарты бойынша автокөлік сатып алса, ЖШС мен сатушы – жеке тұлғада қандай салықтық міндеттемелер туындайды?
Қазақстан Республикасының Салық кодексіне жүгінейік.
Салық кодексінің 330-бабы 1-тармағы 1) тармақшасына сәйкес, салық салынатын мүліктік табысқа Қазақстан Республикасында жеке тұлға мүлікті өткізген кездегі құн өсімінен түсетін табыс жатады, ол 331-бапта көрсетілген.
331-баптың 1-тармағы 7) тармақшасына және 2-тармағына сәйкес, жеке тұлғаның мүлікті өткізген кездегі құн өсімінен түсетін табысы Қазақстан Республикасында мемлекеттік тіркеуге жататын механикалық көлік құралдарын және (немесе) тіркемелерді, меншік құқығында 1 жылдан аз уақыт болған жағдайда, өткізген кезде туындайды. Құн өсімінен табыс – мүлікті өткізу бағасы мен оны сатып алу бағасының арасындағы оң айырма болып табылады.
Салық кодексінің 634-бабына сәйкес, 270.00 нысанын мүліктік табыс алған салық төлеуші-резидент жеке тұлғалар ұсынады. 270.00 нысаны салық органына салық төлеушінің тұрғылықты жері бойынша есепті салықтық кезеңнен кейінгі жылдың 15 қыркүйегінен кешіктірмей ұсынылады. Жеке табыс салығын (ЖТС) төлеу салық төлеуші тарапынан декларацияны тапсыру мерзімі аяқталғаннан кейін 10 күнтізбелік күннен кешіктірмей, яғни есепті жылдан кейінгі жылдың 25 қыркүйегіне дейін жүзеге асырылады.
Жеке тұлғаның салық салынатын табысынан ЖТС сомасы Салық кодексінің 320-бабында белгіленген мөлшерлеме (10%) қолдану арқылы есептеледі.
Егер жеке тұлға автокөлікті 1 жылдан астам уақыт иеленген болса, салықтық міндеттемелер туындамайды.
Егер ЖШС жеке тұлға-резиденттен автокөлікті (негізгі құралды) сатып алса, онда:
- Дт 2410 Кт 3380;
- Дт 3380 Кт 1010 (қолма-қол төлем).
Егер ЖШС ҚҚС төлеуші болса, сома 300.00 нысанының 300.00.015 А-жолында және 100.00 нысанының 100.02.002 II-жолында көрсетіледі.
Бұл ретте жеке тұлға ЖШС-ға ЭСҚ (ЭСФ) жазып бермейді, өйткені Салық кодексінің 412-бабы 1-тармағына сәйкес, ол бойынша шот-фактура жазу міндеті жүктелмеген.
ЖШС көлік салығын есептейді және оны бюджетке төлейді, 701.00 және 700.00 нысандарын Салық кодексінің 490–496-баптарына сәйкес тапсырады, көлік салығын ҚР бюджетіне аударады.
Жеке тұлға (сатушы) автокөлікті өткізген кезде мүліктік табысын өзі есептейді және егер ол бар болса, ЖТС-ты өзі есептеп, төлейді және 270.00 нысанын тапсырады.
Егер сізге 270.00, 300.00, 100.00 немесе кез келген өзге салықтық есептілік нысанын толтыруға көмек қажет болса, сізге «Mybuh.kz» көмектеседі. Өтініш қалдырыңыз, біз сізбен жұмыс уақытында хабарласамыз.
#Мүліктік табыс
