383 Жүк көлігін жалға берген кезде кейде иелерінде де, жалға алушыларында да сұрақ туындайды: жол парағын олардың қайсысы рәсімдеуі керек?
2003 жылғы 04.07 №476 «Автомобиль көлігі туралы» заңға жүгінейік.
Осы заңның 1-бабы 8-тармағына сәйкес, автомобиль тасымалдаушысы (тасымалдаушы) – жолаушыларды, багажды, жүктерді және пошта жөнелтілімдерін тасымалдау бойынша кәсіпкерлік қызметті жүзеге асыратын, жеңіл автомобильдерді қоспағанда, автокөлік құралдарына меншік құқығы немесе өзге де заңды негіздерінде ие болатын жеке немесе заңды тұлға.
Осы заңның 1-бабы 15-тармағына сәйкес, жол парағы – жүргізуші мен автокөлік құралының жұмысын есепке алу және бақылау үшін арналған қағаз немесе электрондық-цифрлық нысандағы құжат.
Жол парақтары мен тауар-көлік жүкқұжаттары (ТТН) тасымалдаушы тарапынан қағаз жеткізгіште немесе электрондық-цифрлық құжат нысанында бір ауысымға (рейске) дейін әрбір жүк көлік құралына бөлек рәсімделеді. Оған жол парағын, тауар-көлік жүкқұжатын және CMR-ді (жүктерді автокөлікпен тасымалдау кезінде) толтыру үшін мәліметтер енгізіледі. Бұл ретте тауар-көлік жүкқұжатындағы жекелеген деректерді жүк жөнелтуші (жүк алушы) де толтырады.
Қағаз жеткізгіште рәсімделген жол парақтары мен ТТН тасымалдаушының және жүк жөнелтушінің (жүк алушының) мөртабаны немесе мөрімен куәландырылады.
Жол парақтарын тасымалдауды жүзеге асыратын ұйым рәсімдейді, яғни авто жалға берілген жағдайда – жалға алушы. Ал жалға беруші жалға берілген автокөлікке жол парақтарын рәсімдемейді.
Егер сізге бухгалтердің, заңгердің немесе салық маманының кеңесі қажет болса, сізге «Mybuh.kz» көмектеседі. Өтініш қалдырыңыз, біз сізбен жұмыс уақытында хабарласамыз.
