516 Кейде қызметкердің жалақы картасын банк несие қарызын кешіктіргені үшін бұғаттап, жалақыны аударған кезде қарызды өтеуге ұстап қалады. Егер қызметкер жұмыс берушіден жалақыны қолма-қол беруді өтінсе, жұмыс берушінің кассадан беруге құқығы бар ма? Бұл бұзушылық болып саналмай ма?
Қазақстан заңнамасында (оның ішінде ҚР ЕК-де) жалақы мен басқа төлемдерді қолма-қол немесе қолма-қол емес (картаға) түрде төлеуге тыйым салу да, керісінше, міндетті нұсқау да жоқ. Жұмыс беруші қызметкерлерге жалақыны қай формада төлеуді өзі шешеді: кассадан қолма-қол немесе картаға аудару арқылы.
ҚР ЕК 113-бабына сәйкес, жұмыс беруші жалақыны ақшалай түрде теңгеде айына кемінде бір рет, келесі айдың бірінші онкүндігінен кешіктірмей, яғни келесі айдың 10-на дейін төлеуге міндетті.
Осылайша, жұмыс беруші тек жалақыны уақытында төлемегені үшін ғана жауап береді, ал оның қандай формада төленетіні – жұмыс берушінің өз қалауы. Сондықтан, егер қызметкердің картасы бұғатталса, жалақыны кассадан қолма-қол беруге болады, бұл жұмыс беруші тарапынан бұзушылық болып саналмайды.
Егер сізге бухгалтердің немесе салық маманының кеңесі қажет болса, сізге «Mybuh.kz» көмектеседі. Өтінім қалдырыңыз, біз сізбен жұмыс уақытында хабарласамыз.
