202 ҚР ЕК 56-бабына сәйкес, егер қызметкер жұмыстан кетуді шешсе, ол бұл туралы жұмыс берушіні кемінде 1 ай бұрын хабардар етуі тиіс. Бұл мерзім ҚР ЕК-де жұмыс берушінің мүддесі үшін бекітілген, өйткені ол осы уақыт ішінде қызметкерге ауыстырушы табуға және өндірістік процесті үзбеуге мүмкіндік береді.
Бірақ, екінші жағынан, қызметкердің өз жоспарлары болуы мүмкін. Немесе жұмыс беруші мен қызметкер арасындағы қатынастар онша жақсы қалыптаспаған және қызметкер ұйымға ұзақ бөгелгісі келмейді. Міндетті бір айлық мерзімді жұмыс істемей-ақ жұмыстан кетуге бола ма?
Мұндай мүмкіндік бар және ол осы 56-бапта көзделген.
Атап айтқанда, ҚР ЕК 56-бабы 2-тармағына сәйкес, тараптар келісіп, жұмыс берушінің жазбаша келісімімен жұмыс істеп беру мерзімін қысқартуға немесе мүлдем жоюға болады (кейде жұмыстан кету бір күннің ішінде де орын алады).
Егер жұмыс беруші жұмыс істеп беру мерзімін өз еркімен қысқартуға келіспесе, ҚР ЕК 56-бабы 3-тармағын пайдалануға болады. Онда, егер жұмыс беруші еңбек шартының шарттарын орындамаса (жалақыны кешіктірсе және т.б.), қызметкер оған бұл шарттардың орындалмағаны туралы жазбаша хабарлама беруге құқылы екені жазылған. Хабарламаны жазбаша түрде беру керек және оған ұйымның кіріс штампын алу қажет. Хабарлама берілген күннен бастап 7 жұмыс күні өткен соң жағдай өзгермесе және жұмыс беруші еңбек шартының шарттарын бұзуды жалғастырса, қызметкер жұмыстан кету туралы өтініш беріп, 1 ай емес, тек 3 жұмыс күні ғана істеп, жұмыстан кетуге құқылы.
Егер жұмыс беруші еңбек шартының шарттарын бұзбаса – мерзімінен бұрын жұмыстан кету мүмкіндігін пайдалану мүмкін емес. Бұл жағдайда қызметкер де өз тарапынан міндетті жұмыс істеп беру мерзімін сақтауы тиіс болады.
Егер сізде еңбек дауы туындаса, еңбек құқығы саласында маманданған заңгердің кеңесі қажет болса – сізге «Mybuh.kz» мамандары көмектеседі. Сондай-ақ біз бухгалтерлік есеп жүргізу және салық салу, оның ішінде резидент еместерге салық салу мәселелері бойынша да кеңес беру қызметтерін көрсетеміз. Өтінім қалдырыңыз, біз жұмыс уақытында хабарласамыз.
