256 Қажет болған жағдайда, салық органы салық төлеушінің кабинетінде, яғни электрондық түрде, салықтық хабарламалар орналастырады. ЖК-ге кабинеттің ішінде салықтық хабарлама пайда болған жағдайда не істеу керек? Жауапты жазбаша түрде дайындап, басып шығарып, салық органына қолма-қол жеткізу (пошта арқылы, курьермен, инспекторға жеке тапсыру) қажет пе? Әлде сол хабарламаға кабинет ішінде жауап беруге бола ма? Қане, қарастырайық...
Салық кодексіне жүгінейік.
ҚР СК 96-бабының 2-тармағына сәйкес, салық төлеуші камералдық бақылау аясында анықталған бұзушылықтарды жою туралы хабарламаны алған немесе тапсырылған күннен кейінгі күннен бастап 30 жұмыс күні ішінде орындауға міндетті.
Орындау деп танылады (ҚР СК 96-бабының 2-тармағы):
- анықталған бұзушылықтарды жою (мысалы, есепке қою, салық есептілігін тапсыру, салықтарды толықтыру, өсімпұл төлеу және т.б.);
- хабарламаны жіберген салық органына салық төлеушінің анықталған бұзушылықтар бойынша түсініктемені қағаз немесе электронды жеткізгіште ұсынуы.
Егер салық төлеуші хабарламаның мазмұнымен келіспесе, түсініктеме ұсынылады. Онда мыналар көрсетіледі:
- түсініктеме қол қойылған күн;
- түсініктемені ұсынған тұлғаның толық атауы, оның тұрғылықты жері (орналасқан жері);
- ЖСН/БСН;
- хабарламаны жіберген салық органының атауы;
- түсініктеме ұсынылатын хабарламаның нөмірі мен күні;
- түсініктеме ұсынған тұлғаның келіспеуіне негіз болатын мән-жайлар.
Сондай-ақ, түсініктемеге салық төлеушінің ұстанымын растайтын құжаттар (төлем түбіртектері, куәліктер, декларациялар көшірмелері және т.б.) қоса беріледі. Бұл құжаттарды тек түсініктеме мәтінінде сілтеме жасалған жағдайда ғана қоса беру қажет.
Түсініктемеде көрсетілмеген өзге құжаттарды қоса берудің қажеті жоқ.
Көріп отырғанымыздай, ҚР СК 96-бабының 2-тармағы 2) тармақшасына сәйкес, түсініктемені қағаз түрінде (қолма-қол) де, электронды түрде де ұсынуға болады. Демек, егер салық төлеушіге электронды түрде жауап беру ыңғайлы болса, ол салық төлеушінің кабинетінде хабарламаға түсініктемені жолдауға құқылы.
Салық органынан келген хабарламаға дәлелді түсініктеме дайындауға көмек керек пе? «Mybuh.kz» мамандары сізге көмектеседі. Өтініш қалдырыңыз, біз жұмыс уақытында сізбен хабарласамыз.
